मित्रांनो बँकिंग क्षेत्रात सरकारी नोकरी करण्याची इच्छा असलेल्या उमेदवारांसाठी आनंदाची बातमी आहे. IDBI बँकेने स्पेशालिस्ट ऑफिसर (SO) भरती 2026 साठी अधिकृत अधिसूचना जाहीर केली असून विविध विभागांतील एकूण 31 रिक्त पदांसाठी भरती प्रक्रिया राबविण्यात येणार आहे. या भरतीसाठी 14 जुलै 2026 पासून ऑनलाइन अर्ज प्रक्रिया सुरू होणार असून इच्छुक आणि पात्र उमेदवारांना 26 जुलै 2026 पर्यंत अर्ज करता येणार आहे. उमेदवारांनी अर्ज IDBI बँकेच्या अधिकृत वेबसाइटवर जाऊन ऑनलाइन पद्धतीने सादर करायचा आहे.
या भरतीअंतर्गत ऑडिट – इन्फॉर्मेशन सिस्टीम (IS) विभागासाठी 10 पदे, इन्फ्रास्ट्रक्चर मॅनेजमेंट डिपार्टमेंट (IMD) – प्रिमायसेस विभागासाठी 8 पदे, लीगल विभागासाठी 9 पदे आणि सिक्युरिटी ऑफिसर पदासाठी 4 जागा उपलब्ध आहेत. पदानुसार उमेदवारांनी मान्यताप्राप्त विद्यापीठातून पदवी, एलएलबी, बीई, बीटेक, एमई, एमटेक, एमएससी किंवा संबंधित क्षेत्रातील आवश्यक शैक्षणिक पात्रता पूर्ण केलेली असणे आवश्यक आहे. तसेच पदानुसार किमान वय 25 किंवा 35 वर्षे, तर कमाल वय 35, 40 किंवा 45 वर्षे निश्चित करण्यात आले आहे. वयोमर्यादेची गणना 1 जुलै 2026 या तारखेच्या आधारे केली जाईल. आरक्षित प्रवर्गातील उमेदवारांना शासनाच्या नियमानुसार वयोमर्यादेत सवलत मिळेल.
अर्ज शुल्काबाबत बोलायचे झाल्यास, सामान्य, ओबीसी आणि ईडब्ल्यूएस प्रवर्गातील उमेदवारांना 1,050 रुपये शुल्क भरावे लागेल, तर एससी, एसटी आणि दिव्यांग (PwBD) उमेदवारांसाठी अर्ज शुल्क 250 रुपये निश्चित करण्यात आले आहे. अर्ज करण्यापूर्वी उमेदवारांनी अधिकृत अधिसूचना काळजीपूर्वक वाचून शैक्षणिक पात्रता, अनुभव, वयोमर्यादा आणि इतर सर्व अटी तपासाव्यात. बँकिंग क्षेत्रात करिअर घडवू इच्छिणाऱ्या पात्र उमेदवारांसाठी ही भरती एक उत्तम संधी मानली जात आहे.
