मित्रांनो राज्यातील Polytechnic CAP Round 1 मध्ये यंदा तब्बल 89,631 विद्यार्थ्यांना प्रवेश मिळाला आहे. विशेष म्हणजे 49,678 विद्यार्थ्यांना त्यांच्या प्रथम पसंतीचे महाविद्यालय मिळाले असून, गेल्या वर्षाच्या तुलनेत प्रवेश घेणाऱ्या विद्यार्थ्यांची संख्या लक्षणीय वाढली आहे.
यंदा 1.37 लाखांहून अधिक जागांसाठी प्रवेश प्रक्रिया राबवण्यात आली. तसेच 70 ते 85 टक्के गुण मिळवलेल्या विद्यार्थ्यांनीही मोठ्या प्रमाणावर पॉलिटेक्निक अभ्यासक्रमांना पसंती दिल्याने तांत्रिक शिक्षणाकडे विद्यार्थ्यांचा वाढता कल दिसून येत आहे.
ज्या विद्यार्थ्यांना CAP Round 1 मध्ये प्रवेश मिळाला आहे, त्यांनी 16 ते 18 जुलै या कालावधीत संबंधित महाविद्यालयात प्रवेश निश्चित करणे आवश्यक आहे. तर इच्छित महाविद्यालय न मिळालेल्या विद्यार्थ्यांना पुढील CAP फेऱ्यांमध्ये सहभागी होण्याची संधी उपलब्ध राहणार आहे.
यंदाची आकडेवारी पाहता राज्यात डिप्लोमा आणि कौशल्याधारित तांत्रिक शिक्षणाची लोकप्रियता वाढत असल्याचे स्पष्ट होत आहे. प्रवेश प्रक्रियेतील पुढील फेऱ्यांसाठी विद्यार्थ्यांनी अधिकृत सूचनांवर लक्ष ठेवावे.
